Candy & Clock Wedding

跟了差不多11個月既wedding，係做咁耐以黎最長的一個。
Candy & Clock係朋友龜介紹給我的，我本著朋友的朋友的心態，我一直以來都很用心去幫他們籌備這個婚禮，今天他們終於真的結婚了，我係非常感動的。

Candy & Clock都係一對很好的couple，他們對我係絕對信任，從來無質疑過我幫佢地安排及做既野，我由衷感到很榮幸得到佢地呢份信任。我知道有時我或許未能抽更多時間去協助佢地，但他們都十分諒解，沒有加諸壓力在我身上。

做咁多個wedding，只有佢地呢個先係真真正正由頭跟到尾既，由搵酒席,到影婚紗相,做相簿油畫,整小禮物,印喜帖,過大禮, 租禮服, 試化妝, 安排攝影, 場地佈置, 酒樓接洽, 網上婚姻註冊處預約.......當日全日跟貼到第2日還衫，他們真的完全將他們的婚禮負託給我，就是他們的這份信賴，即使我在這天前通宵了4晚，我都覺得非常值得，我更當自己去參加好朋友的婚禮，為他們的婚禮買了一條非常漂亮亦非常貴既裙，證明我已將他們認作好朋友了。

今天Candy非常漂亮，漂亮得我不停嘩嘩的叫。整個婚禮比我想像中順利，唯獨candy在註冊沒有了頭紗，令我非常不安，我怕candy會因此而整天唔開心，怕她會嬲怒了我這個統籌，怕她的婚禮因此而蒙上污點，我到達時為了讓她行禮時有頭紗，就手起刀落剪了其中一條晚裝既紗落黎給她行禮，幸好條裙係新做的，紗亦可以說是新的及非常白，別人見到會說我很考手，但我仍然是非常內疚的，candy，對不起。

晚上既婚宴亦非常順利，每人都說佈置很好，流程很暢順，遊戲亦安排得很好，很感激所有人於這晚的付出，姊妹的無限量協助，兄弟的勞力，特別是mc karen及龜，他們兩個的認真係我咁多個婚禮中都未見過既，他們令到我可以專心在台下為他們打點細節，亦讓我真正感受到作為好朋友的用心，他們是真心為Candy & Clock既wedding而努力付出的。

Candy,Clock，祝你地白頭到老，永遠開開心心，唔好唔記得我呀~

另外，當日真的非常多謝阿龜既幫忙，他化身成為我既partner，幫我安排兄弟早上既野，做埋聯絡人，當我唔係度佢會幫我打點所有野，而且晚宴後更幫我車哂d衫同物資返屋企，真係萬般感激。阿龜，麻煩哂，無以為報，辛苦哂。