以前的哥哥

今日出外搭車時正岩遇著學校放學，在九龍城見到很多學生上車，在某個站，有一個外國既男仔學生上左車，好靚仔，似乎係讀普通學校既，坐在我前面的位置。跟住到下一個站，有兩個女學生上左車，我見走在後面的女仔一見到個鬼仔係度，表情即刻唔同哂，好似好開心咁，佢無笑出黎，但臉上難掩興奮感覺，那兩個女仔有好多位都唔坐，專登坐係我隔離，想近d個鬼仔，我見到覺得好搞笑，諗番起以前讀莊啟程既日子。

以前可能我岩岩讀男女校既關係，唔知點解成日跟在d師兄後面，好似小fans咁。最記得在f.6時既第2 個學期後，我認左一位讀文科既師兄做哥哥，佢好型好gentlemen，對住我呢d小妹妹，唔會嫌煩不特止，仲會真係關心我，我成日都會打俾佢同佢講唔開心，佢即使瞓緊覺都會起身同我傾計。佢考完a-level後，都會返學校探我，仲會叫我一定要食野，因為那時我岩岩開始食素，身體好差，又成日胃病，佢好擔心我，一返黎就會帶我去食野。那時我有呢個哥哥真係覺得好光榮架，因為很多人都認為佢好型，哈哈，想起那時都覺得自己好無聊。

早幾天執銀包時，發現我原來仲有擺我同佢既合照係銀包裏面，我諗我會keep住擺係銀包，怕自己唔記得曾經有過呢個哥哥，不過我諗佢都應該唔記得我啦~唔知佢過得怎樣呢?