很想寫信，寫一封語重心長的信，只可是我知道，寫了，也沒有勇氣寄出這一封信。只剩下9日了。
今天聽了很多閒言閒語，好唔舒服，人與人相處，真的要那麼不信任，那麼猜忌？不過全心去待一個人好，自己真的很開心，只忘記了有多久，沒有多少人能忘記時間了。

臉上種著厚厚重重的灰
只在指尖流過
化成煙霏
留下抹不掉的
的香氣

中大終於都肯放我地假啦，由今日起，一連放9日，我都要好好咁利用呢個意外之假，所以我搬哂d工具返去屋企：水彩、蠟筆、畫則紙、圓規、三角尺‧‧好重。
四周都彌漫住肺炎既恐慌，但願所有都快些過去。但在優閒時散下步，見到四周圍都有好多好似櫻花既樹，好靚，春天最好的時刻就是現在。
今日買了一條很漂亮的月光石的鏈，那月亮 般的螢光藍，把我吸走了，去到月亮哪裡陪伴嫦娥了。

尋晚整網頁整到好夜，4點幾先瞓，結果都係過住d頹廢既生活，2點先起身~~
我今日都過得幾有意義，打了一個下午三國無雙，身為呂布既我，殺了劉備三次、曹操兩次，若我真係喺三國，應該係一個英雄！
一個頭髮好小朋友既英雄！

今日好毅然咁去剪頭髮，諗住改革一下，唔想再對住望左咁耐既自己，點知失敗左，一D都唔好睇，唉!

得到了一個小朋友的髮型，心態也小朋友了，平時已經好小朋友，今日更過份得和細佬去了冒險樂園，不單止做了會員，更玩了二百個金幣，得到了1400張飛，換了一把間尺和一盒麥提莎好開心咁走....

心態好小朋友，但銀包卻一點也不小朋友。