多謝車車同我食飯慶祝生日

之前19號的小冰生日會，車車因為嫌遠而唔黎，本身我係應該嬲他的，但他一早於17號就打定電話俾我備案，講定會同我食番餐飯補數，又會買定禮物俾我，而且佢20號零晨係第2個打電話俾我同我講生日快樂既人(其實車車係最準時12:00打黎，只可惜有人11:59就打黎ready定，無辦法，我無理由轉線je....)，我就決定原諒佢。

今日終於食到餐飯，只係遲左兩日，證明車車都真係非常有誠意。佢請左我去旺角一間叫"夏雪"既餐廳食日本野，裏面裝修好靚，而且環境幾好，估唔到車車咁有taste~~

不過個menu d名就真係令我地不停笑，d 壽司名有"初戀", "戀 - 甜、酸、苦、辣"," xx四部曲"，好搞笑，到我地叫飲品時更好笑，個個名都嗌唔出口，我叫那杯還好一點，叫"P.S. - I LOVE YOU"，車車那杯叫的時候我真的忍唔住笑，佢叫左杯"夏火"，哈哈，唔係我心壞，而係真係好好笑。

不過呢度D野食唔算貴，我地叫左二人SET，有魚生、沙律、湯、壽司、卷物、天婦羅、特飲X2，都只係埋單$220，我都算係咁啦，無食佢再貴D。而且D野食好好食呀!!

車車無食言，佢真係有買禮物俾我，係一條靚靚手鏈，我會成日都帶住架啦，多謝車車。