第一次到半島酒店

咁大個女，從來未到過半島酒店，之前一些婚禮都去過一些很高級的酒店，做左wedding planner咁耐，去酒樓同酒店擺酒既各佔一半，之前去既酒店，最出名都係港島香格里拉同marco polo prince 。

之前既一個客介紹左另一位客人俾我，結果我亦成功接到呢單生意，原來呢個客人係半島擺酒，令到我有機會入去開眼界。但其實對於我工作來說，都係一樣做法。

明天就係半島擺酒個客既大日子，佢今日去半島check-in，咁我就去幫佢打點所有野。第一次踏入半島，感覺無咩特別，可能因為我由側門入既關係；原來佢個lobby好細，好迫又好多人，我個客就住頂樓既尾房，都ok大間，有成千呎，有個大過我屋企既廳，但個主人房就唔算好大，而且唔太特別，佢成間套房都擺左好多中式古董同瓷器，我自己感覺就麻麻，可能呢d係用黎討好外國人既擺設。

今日個客要返番屋企拎野，叫我係房等姊妹到，結果我就一個人係酒店房呆座3小時，不過只少都叫做瞓過d梳化~哈哈，非常無聊。我用相機不停周圍影，留倩影嘛，但窗外個view就唔太好~因為出面又整路,太空館又裝修......不過都唔太差既。
























我成日都覺得香港一般人應該好少會專登入去半島酒店，當我同我細佬講，佢俾左個句子去形容半島個門口，"門口又高狗又大"，我聽左即刻笑出黎，好貼切，真係唔係好敢正門入去，所以我今日都係側門入。