今日雖然係星期日，別人放假的日子我依然雖然工作。今日約左個新客傾1月15日晚宴既細節，同埋同佢既姊妹食飯，雖然佢只係join左我晚宴統籌既package，但我都唔介意同佢d姊妹一齊諗埋早上接新娘既game。
佢join我時就同左我講，佢早上請左好出名既歐惠芳(Sharon au)婚禮統籌做大妗姐，今天佢同我講，話sharon好無交帶，仲未同佢傾野同提佢買野，而且提議d game好唔得，所以想我幫佢諗下game，其實我一d都唔介意，因為同姊妹諗呢d game真係她開心，睇見佢地個個都笑到見牙唔見眼，真係好滿足。佢地亦都非常滿意我建議俾佢地既game，立即採用，仲話我好好，哈哈，好開心。
出去見客前，因為個客講左會遲d到，所以就去左重新裝修既旺角銀行中心商場行下，佢d鋪頭種類幾多，而且間間裝修幾落本，比起旺角同區商場，包括朗豪坊最上幾層既shop都好，而且都感覺無咁mk。
我上到去就去街知巷聞買左糯米糍食，好肚餓，下午7點，第一餐。之後就四處亂逛，之前睇雜誌就知呢度有一間好特別既香水bar，所有香水放在酒bar酒機既玻璃樽度，5顏6色好attractive，香水味仲可以互溝，最多3種味，而且香水既名都好特別，有“迷人”、“天真”、“誘惑”、“河水”、“閃閃”、“滑一滑”等等，全部由法國入口，共有百幾種味。我係裏面試香水試到暈，最後我以$58購買左一枝隨身攜帶既香水，香水名叫"童真"，個sales仲叫我溝埋"天真"，真係想做小朋友咩…
雖然買左新香水，但都只係打算間中用下，始終喜歡早陣子收到的香水味道，只是間中用另一種味可以給人不同感覺，今次這隻比較甜，想自己小朋友點時或許會用。(另外買既原因係，我係間鋪度玩左好耐…唔好意思唔買。)
沒有留言:
發佈留言