瘋狂工作的前夕

今天是瘋狂工作的前夕，給自己最後一天的假日。

早上我趕忙的到了荃灣俾野客人後，就走了到添馬艦的環球嘉年華玩。很開心終於可以到那裡玩耍，自知道它只要$110入場費後，就很想去玩，因為以前它每樣都收費很貴，從未玩過機動遊戲，終於有得玩了。

我一走進去，就跑去玩g-force，開頭係遠處望一d都唔驚，到排緊隊時向上望仔細看到它的旋轉，就開始怕，再到我座在上面，半空中望下來，我真的大叫很怕，我不是怕高，只是當我諗到佢既離心力就很怕，當它開動時，我全程都緊閉雙眼，首兩下的離心力真的很強，之後都不太厲害，但我依然不停大叫。

之後仲去左玩過山車、摩天輪、碰碰車同大滑梯，大滑梯滑的時候，整個人都飛起了，離開左條梯，幾驚會飛去隔離線…

我地拎住60個代幣，周圍咩都試下玩，但我話千祈唔好贏大公仔，再有新的就無位睡覺了。最後我地贏左兩個小公仔，其中一個係小鬼仔，個樣懶叻咁，我地話佢連毛都未生齊學人做魔鬼，哈哈，另外一隻係我玩碌銀仔贏既大口醜怪公仔，我碌一個銀就中，非常lucky!!

今天真的很快樂，多謝陪我到這裡玩呀。回家後，就馬上出去買絲花回家整花球，要工作了。