可能...天氣真的很冷

我會有這樣的感覺，並不因為我自己覺得很凍，我依然固我，出外都只係著一件衫，再手拿著一件外套，真的覺得很凍才會穿上；我會這樣覺得全因為我的貓貓。

小貓阿咩不嬲都怕凍，廿幾度都已經要扲被瞓覺唁願郁，但係肥貓旺財就一直都很怕熱的(十呎足十大肥佬怕熱咁)，永遠都唔扲被、唔要人抱住瞓，但今天我回到家後，牠就纏在我的腳邊，要我抱牠到大腿上坐，而且更不停用牠的頭撞我，要我抱住牠，仲要係用雙手抱著、把頭窩在牠身上才滿足，但同時間我又用緊電腦，雙手唔可以抱住牠，牠就會引長脖子，仰望著我，叫我快d抱住牠，十足十大少咁(哼哼哼)，結果我就抱到手腳也痺了。

我諗佢係因為覺得真係好凍先要我咁樣抱佢，所以我想天氣可能真的很凍，雖然我睡覺時依然都只扲一張多用被，不停俾媽媽罵我為什麼咁都可以捱到，死都唔願意翻櫃找棉胎出來!!我就是這樣。