2006最後的party活動

今日我地一早就約定左會出去玩，但就一直決定唔到去邊玩同邊度倒數，兩天前，roundtable cafe 既負責人carmen就打電話俾我，話佢地會搞個倒數party，問我有興趣參予，叫我問下朋友就唔會都有興趣一齊倒數，佢這個PARTY異常吸引，間CAFE落地大玻璃對正TIMESQUARE倒數廣場，可以同群眾一齊倒數，又唔駛同人迫，價錢只要$180，有BUFFET及包一杯飲品，另有$10COUPON FOR買其他飲品，而且時間由8PM - 1 AM，時間夠長，之前唔駛諗去邊度HAE，就係咁，我地就決定去呢度倒數啦。

今日雖然唔係好多人可以同我地一齊玩，但都非常開心，參加成員有HELEN,PANG,DORIS,堡, 粉,振宇同我，仲有helen既兩位朋友tim。

下午時間我地就先去左黃大仙飲下午茶，我地自大學畢業後都好似未試過一齊去飲茶了，感覺都幾搞笑，不過就只有4個人飲，其他都未咁早黎到。

之後我地返左我屋企玩，今次終於唔係打麻雀啦，因為pangpang真係買左一部uno拍拍機俾我，真係好好玩，大家都好緊張，黑仔王係helen同阿堡，佢地幾乎每次拍都會有卡飛出黎，老千pang係玩個項目終於唔可以再出千，所以佢同helen一齊怒輸，輸左200蚊，我雖然有贏，但為左報答佢地，我都無收到。

晚上，我地會合番所有出席人士，就前往roundtable cafe，其實都無咩特別野玩，我地都係自己玩啤牌同monopoly，但感覺上氣氛好好，野食都好好味，特別係甜品，好sweet呀。到倒數既時候，我地坐係大玻璃側邊，望住times square倒數，每人手執一枝拉炮，感覺很熱鬧很開心，我地互相立即向身邊朋友大叫新年快樂，好warm呀!

倒數完了後大家緊接黎我屋企玩，真係好充實既2006最後一天呀。