爸爸，祝你49歲生日快樂!!
希望你身體健康，事事順利，以後依然可以和以前一樣同我打交，繼續同我地爭野玩!
從小時候懂得自己替爸爸慶祝生日開始，別人問我爸爸幾多歲，我都會說四十幾啦，一直說著說著，爸爸今年依然都係四十幾，感覺上爸爸好像沒有老過，他依然是那麼的壯健，那麼的頑皮，那麼的求進步，看著自己，反而覺得自己長大了不少，不再是小朋友。但到了下年，他過了生日後，就不再是四十幾了，才發覺爸爸都是會老的。
以前我們的親戚總說我們幾姊弟有戀父情結，因為我們會常常把爸爸掛在嘴邊，說爸爸如何叻如何聰明。小時爸爸對我來說是萬能的，算數快、寫字漂亮(尤其毛筆字)、左撇子、整錄影機、整雪櫃、整洗衣機、裝修(自己一個把家中整個廚房拆掉，再把露台轉成廚房，把客廳整得更大)、整傢俬、懂水電、懂玩樂(陪我地打機，一定嬴我地)、煮食了得(最愛他的西餐、炸洋蔥圈及包雲吞)、懂攝影(以前覺得佢拎住部好pro既機好型)、精通歷史.....總之細個覺得佢係無所不能，只是無機會讀多d書去俾佢發揮。
爸爸讀書只到小學程度，但佢會很努力咁學一d佢唔識既野，佢現在懂電腦懂打字用office，都證明了佢不怕學習，我諗我那麼喜歡自學都是因為他，其實我有好多野都俾佢影響左，雖然小時佢未必最錫我，但佢知道我最想似佢。我會迫自己算數精，要自己寫字靚，他裝修時我會搶著幫手剧木鑽牆(可能有好多男仔都未必識)，喜歡揸住相機扮pro，學整電線，最愛西餐，想自己樣樣精，原來我都真係幾有戀父情意結。
但願爸爸永遠都咁精神咁小朋友，返老還童!!
沒有留言:
發佈留言