[改變]
我個網頁話改話改，結果搞左咁耐，終於整好個頁面啦，但係好多野都仲係完封不動，無辦法，我無咩意念想點改，而且我用左大部份時間都係學點用dream weaver同Photoshop，又要摸熟d code點用，雖然我有minor information technology，有學過一點寫網頁，亦識少少寫programme，但係在學校都只是得過且過，而且一直以來都有很多人幫手同俾我抄，根本自己無咩點用過腦，這是一個給自己學習的好機會。
　
我自己覺得今次網頁既改變好似比以前開心左，以前好似好暗咁，依家多左d顏色，繽紛左，係唔係一件好事呢?
　
[聯絡]
今日我終於有同大學d朋友仔聯絡，好開心，今日同左車車講左一陣電話，知道左佢既近況，傾下閒計，都好耐無試過啦。對於我來講，有朋友打電話給我係一件好開心的事，亦都係好重要的事，我可以放棄睇電視去講電話(電視對我來說都好重要)，可見我真係好想同人講下野。康叫我一起番去o'camp，我亦都好開心，我只怕無人記得自己。
　
今日同車講到康就黎要走了，覺得好唔捨得，當然再無人俾source我地係一個原因，但係我覺得係唔止的。我同車車講，阿康走左之後就無人理我了，你地幾個又唔理我。其實我覺得自己講完都有d講錯野既感覺，講真，無話邊個一定要理邊個，每個人都有自己要牽掛既人，只係自己要求過多。不過說真的，每次有人要離開，我都覺得唔開心，Dora是，康都是，看來我都要成熟d了。