巧遇一個不認得我的人

我一向好少係街撞到人，有人說係因為我在街上唔會周圍望，只會望地下。
今日好神奇地我遇到一個人，一個我認得佢，但唔知佢個名，佢又唔認得我既人。

今天我放工後就搭地鐵返家，在鰂魚涌站轉車時見到一個好熟口面既人，我站在隔離線一路都靜雞雞咁望，睇下我有無認錯，但佢又好似唔認得我，我就唔敢向佢打招呼。

之後上左車，係車廂中都一直望，我覺得我無認錯人，到左油塘要轉車了，我地依然係站在兩個相鄰既閘口，我好想走過去問佢，但都係好怕自己認錯，因為佢真係好似唔認得我。地鐵到了，我地座在相鄰既位子上，他帶著耳筒聽歌，我忍唔住拉他衫袖問：我係唔係識你架?

感覺好ODD，好似人地D男仔識女仔既對話咁...之後個男仔就笑笑口咁問我係邊度識佢，我問佢係唔係讀CU同讀過《死亡與不朽》這個COURSE，好彩佢答係，唔係我都真係好瘀。那時同他跟同一個TUTOR，一班十幾人，要認其實唔難，但我可以咁肯定自己無認錯，係因為佢好似EASON。

以前很喜歡這個COURSE，學到好多對死亡既睇法；我好記得第一堂TUTOR，佢就叫我地自我介紹，講下自己既人生目標俾對方知，要SHIFT住去講，每人都會有對話機會，我好記得到呢個男仔前面講既時候，佢問我最想做到D咩，我當時係話想開一間傢品店的，一間有品味又有STYLE既傢品店，當時真係好想，依家都好想，不過明白了現實好難做到，當時佢仲話覺得我好有目標TIM，原來我都記得好多往事，咩都放係個腦度，唔怪之得個腦郁得咁慢。

上呢個大通都已經係4年前既事啦，年代久遠了。