我今天試驗到自己的EQ是很低的。

　

昨天是這麼多天最辛苦的一天，第一次所有人圍著一起開會，老闆老闆娘擦鞋友秘書小姐會計先生大小姐和我，坐下來討論公司將來的運作，結果我想是對工作沒有多大幫助，只是看了一場大龍鳳，一對嚴厲的夫婦教導自己的女兒做生意，眾人所見，大小姐是最有文路和思想的一個人，但卻被一個豬的媽大鬧一餐，又要被父親鬧不上心，看在眼裏我只覺是個匪夷所思的家庭，他們很奇怪，每個人都有手提，但偏偏喜愛打回來公司叫我們找另外一人，那一人都再叫我們找另一人，每一個都好像白痴。

　

之前一天開會開到已經很夜，心情已經糟透了，又再被告知明天7:00PM開會，心情是更加的差，再對著很多無理的要求，我是忍無可忍的，但秘書小姐說找到工作再走吧，我是忍耐著的。

　

到了傍晚，肥豬叫我去傾入數同MARK NO.的事，我對她說有很多貨我都不知道原本是多少錢，因為她無知低能的做法是從來都不仔細做RECORD，她會隨便在一袋紅寶石裏拿一粒出來叫人鑲，但是就不會叫師傅稱一稱有多重和值幾多，結果鑲出來了，所有資料都知，就是最重要的寶石價錢不知道，我告知她這樣我是MARK不到PRICE的，問她打算自己估定找人CHECK，結果就是一連串的無理取鬧，說我為什麼要成日追住佢，佢自己有分數，佢話 間鋪5個星期之後就開，現在最趕的不是價錢，而係要整CATALOG俾人睇(!?)，有病。我就說那就不做啦，無所謂，她又鬧，「邊個話唔做，你明唔明我講咩?」老實說，她都不知道自己在做甚麼。鬧了5-7分鐘，我就鎖埋D門，見6點就想走。

　

她見我返黎，就即刻叫我入房鬧。她說我口黑面黑，做咩咁既態度，她鬧了好久，我終忍不住鬧她，結果到最後，我就說我都很有原則，現在我不做了。

　

我不知道我是否經不起考驗和壓力，但我知道我的尊嚴不只值6000元。

　

以下是我和她其中的某些對話，請各位自行判斷。

我 豬

　

一、

「我叫你做野又唔清唔楚，上次叫你寄本圖樣俾我，你就認叻，咩都SEND過黎，我有叫你SEND埋D價咩，唔知就問啦，俾哂人睇啦，你又唔用腦」

「你無講話要邊本，我就SEND哂俾你啦，問你又話我煩你，依家係你指示唔正確，我就只有跟住做啦」

「咁即係你覺得自己無錯啦，依家係唔係我每次叫你做野都要清清楚楚仔仔細細講呀，你自己唔知點做既?!」

「講真，我唔係你肚裏面條蟲，我點知你諗咩呀」

　

二、

「你話呀，俾著你係老闆，個下屬咁樣話你，你會唔會發火呀，你話呀你話呀!你俾d咁既面口我睇」

「咁你話俾我聽呀，俾人鬧既時候你仲會唔會笑呀」

　

三、

「你依家做咩呀，日日口黑面黑，好夜瞓咩，你覺唔覺自己講野好有問題呀，咁樣對上司講野架」

「唔係WOR，我日日都好早瞓」

「我唔理你呀，你係屋企你阿爸阿媽點教你我唔知，你係屋企發脾氣我唔理，你返到公司就唔可以咁既面口對我，我俾錢你駛呀，你咁既態度呀!」

「我係屋企好乖WOR，係返黎先係咁」

「咁你即係返黎俾面色我睇啦，你要知道，我俾得錢你，你就要受我氣，就算你有無做錯野，只要我心情唔好，我都可以發你脾氣拎野掟你，係你要睇我臉色唔係我睇你面色呀，你唔好以為你讀過書就好巴閉呀，你咁叻你黎話我知d石幾錢呀」

「我就係唔識先問你點格價，但係好明顯你都唔識lor」

　

四、

「出黎社會做野既原則係要受上司氣，咩都跟我做野，我唔理你點叻，你總之就跟我o個套，唔通我跟你呀，就算我唔岩都好，都要依我方法做野，呢d就係出黎做野既原則，你第一份工呢d你咪要學lor」

「係呀，我都有我既原則呀，我依家唔做，我返多兩個星期就會走，再見。」

「你依家係我面前擺咩款呀，你兩個星期都唔駛番呀,依家交低d野走啦。」

「唔係擺咩款，係同你講錢，你叫我即刻走就要補錢。」

「你做夠一個月咩，補咩錢呀」

「我就係做夠一個月」

「(即刻改口)總之你就放低哂d野，每日返黎淨係坐係隔離士多房」

「好呀，聽日先擺lor，夠鐘放工啦wor」