星期天

今天一早魚魚就陪我到了元朗大樹下天后廟求簽，她說之前去過，真的很準，就連她由澳洲回來都說得出，很厲害。近期健康、事業、愛情都很唔如意，就跟她到那裡問問看，想知道我將會如何。

我問了姻緣、事業、自身、家宅，好似好貪心...簽文如下:

姻緣 卅五簽 下簽 蘇雲遇難
淚眼相看忍別離 秋風起處不勝悲
棄家浮蕩深閒事 財散人亡總一時

很準的解簽婆婆說：你今年到明年初都沒有真姻緣，係因為我太執著不肯放低，就算有姻緣都係假，我問同之前那個怎樣，佢叫我要放低。
我一睇枝簽既內文就知唔好，估唔到我真係會執著咁耐，但唔想放低又可以點？

事業 七十七簽 中簽 漢鍾離修道
是非名利苦相營 身勢渾如架上膺
罷脫紅塵誠有志 自有作個解鐐人

很準的解簽婆婆說：第一句就中，你現在的工作很大壓力，但可以守，今年會升職加薪，但要好小心事非，因為有小人係公司；上司依家對你公平，但先苦後甜。同埋話漢鍾離係自視過高，要小心唔好招口舌。
我都知道自己係勞碌命，但如果辛勞過後有人賞識，我都已經好心滿意足，天后娘娘說不要轉工就不轉了。

自身 五十八簽 中簽 秦惠吞蜀
財非天與神椰榆 散得多麼積有餘
甘酒嗜音皆不順 年來下詔果如何

很準的解簽婆婆說：(又係第一句就中)你好多野諗，好多煩惱，自己唔開心，盡量少d煩惱。自身尚算健康，出入平安，係腸胃好差，盡量少飲酒熱氣辣野，即係唔好蒲....身邊有好多貴人，幫我排災解憂。我比較大洗，但搵到仲有錢剩，賺到有餘。
都唔知叫好定唔好，都總叫平平安安，健康著重多d就好了。

家宅 壹百簽 上簽 終童入關
求名求利兩相宜 守株待兔未為遲
片帆若得時更便 到底還他滿載歸

很準的解簽婆婆說：你求左我地天后廟最好既一枝簽，求咩都好，全家順利平安，有做生意既都係下半年好好，不過就要少d拗撬，和氣生財。
估唔到我求咁多枝簽，幫屋企求既係最好，同媽媽講，佢好開心。家人好就好了。

之後因為咳得太久，個幾月都未好，就去睇下中醫，搵左3間都話唔睇症，最後終於搵到，醫師話我好難斷尾，因為已經咁耐，要至少食一星期苦藥, 每日兩劑先會好，仲要落重藥..........今日飲左一次，好苦，我諗我飲埋手上既第2劑唔敢再睇，好怕苦。