7月14日的約會

今天本來是打算到上年去的日本餐廳食炸物的，但之後他突然說不如去南丫島，我們就這樣在放工後走到南丫島了，係o個度我地食左一個好豐富既海鮮餐，有豉椒炒蜆、芝士焗海蝦、生滾粥同一個炒菜。可能係海邊的關係，d蜆特別新鮮同大隻，仲要隻隻都有肉，好好味，d蝦又鮮味，真係好滿足。我其實係好鍾意食海鮮的，但因為他怕麻煩(要剝殼)，平時都唔係咁多機會出去食海鮮。

我發現南丫島真係一個好靜既地方，而且生活係呢度既人都很悠閒，在晚上，可以見到很多外國人會坐在酒巴中飲酒傾計，在早上，他們亦會拖著狗走到早餐店中，坐在路邊的茶座，飲著咖啡看著報紙，真是寫意。我們在這個地方亦感到無比的悠閒，早上醒來就走到樓下的茶樓飲早茶，之後就施然的在島上閒逛，本來是想到海灘走走的，但因為下雨，就沒有走過去了。

將來閒時都要到南丫島走走，吸下新鮮空氣和感受下悠閒的感覺，人都會變得寫意了。