真的醉了

今天係公司美容展前的一日，由今天開始要連續3晚陪日本廠商同品牌老闆食飯飲酒。但由早上起，我的胃就好像被針拮般痛，幸好上次尚有胃藥剩留在公司，可以止住痛。

做完上櫃同擺貨，7點到達酒樓，咩都未食就已經要隊幾杯啤酒，食左一碟頭盤，就轉飲威士忌，已經不停滲水同加冰，希望醉得無咁應！

一直飲，又要做阿四幫手換碟換杯挾餸執檯，仲要俾老闆既姑丈不停幫我應承人地乾杯，日本仔不嬲都成日飲，但易醉易發癲都係平常事，捉住你隻手係咁語無倫次亦都次次發生。

好彩老闆同佢媽咪今日一早就飲醉了，10點就可以散場，走時依然很清醒，但打俾臭臭時就開始醉了，甚麼都亂說一通，將很多心底說話也說出來了，不停的對他抱怨，訴說自己到底有幾辛苦及委屈；其實我並不是要鬧臭臭對我唔好，我只是想佢對我關心多一點、欣賞多一點、承擔多一點，虛寒問暖明明人人都會做，但就偏偏他不會對我做，即使覺得我漂亮也不會說出口，只會說我吃太多、今天胖了等的說話，可能工作壓力太大，心裏委屈太久了，平時我會將這些說話收在心底，可能真的是醉了。