我的契仔b~

今日一放工就去左奧海城探型型同我既契仔b！
做得人地契媽，當然要有份上契禮物啦!但可憐我呢個契媽搵錢唔多，洗腳唔抹腳，只買了一隻玉鈪仔俾契仔b，第時契媽買返多ｄ禮物俾你補數！

契仔b真係好得意，而且唔扭計，我抱佢都無喊，但佢哥哥就好黐身，全晚都摟著我，不過他似乎被寵壞了。
契仔b食完野就"um"佢瞓，但佢就不停眼光光，眼仔碌碌唔肯瞓，型型都無佢辦法，結果要我呢個契媽出馬，成個幾鐘先肯瞓呢。

雨希《穿高跟鞋的大象》新書發佈會

今天上班後就去了下雨希的小說《穿高跟鞋的大象》新書發佈會。
她出了詩集之後再出小說，她果然是流著作家血，難怪葉輝、陳汗、崑南都如此寵她。
真的很替她高興呢！

happy weekend - fully scheduled~~

難得的星期六放假日，我一大早就起來與mini到尖沙咀royal pacific食lunch buffet，其實對於我地2個唔多食野既女仔黎講，食buffet真係唔多化算，不過今次係用爸爸俾我既coupon，唔駛錢既，食得唔多都唔會浪費。

同mini食完buffet，就join埋堡堡過去銅鑼灣搵車車、pangpang佢地，好早之前就約左今日要去ceo neway唱ｋ，好耐無聽過車車唱歌了，始終都係覺得車車唱歌最好聽。

唱完k就去了阿貓地攤度飲野，d貓都唔active，唔好玩既！

夜晚去了times square 既tony romas食dinner，碟雞翼都唔好食既，好酸呀！

---------------------------------------------

星期日終於可以瞓晏d先起身，懶洋洋的星期天真的不想外出，但之前貪口爽應允了會去流浮山食海鮮，所以都係乖乖換衫出門去。

去流浮山真係好難，等車時間比搭車時間更長，食野時間又比搭車＋等車時間少；不過都真係幾好食，不過我地就覺得貴左d同鮑魚比較差。

今次去有2件事，第1就係巧遇公司高層一家十幾口去同一間食海鮮。

第2就係我今次去又仆親，又係同一個膝蓋，同一個痂，同樣血流如注，第3次啦，到底這個傷口會唔會好呢？

第一次：了解與訪問

在異常愴悴的情況下，今晚與《stadt》城市誌的主要骨幹見了面。

是的，《stadt》城市誌就是幾天前雨希找我幫忙的文化雜誌的名稱。是一本以社區為主題，每期從一個社區出發，圍繞社區提出各種話語，包括書寫地方歷史發展、評論時事、文化研究、文藝創作、關懷民生等的一本文化雜誌。

雨希是主篇，penny是其中一位編輯，鵬是designer/排版，sherry是記者。

整頓飯我都沒有放下過枝筆，我要趕緊了解所有關於這本雜誌的細節、背景、優點，馬上為它定位。

為何如此愴悴及匆忙，原因是個半小時後就要為903一個節目做錄音訪問，細談我們這群80s的年輕人所創立的這份雜誌。

第一次如此匆忙地做mkt，第一次做錄音訪問，第一次決定自資出版雜誌，第一次做預左蝕錢的生意。

再出發，揹得下嗎？

昨天雨希透過facebook找到了我，說有要事想與我商討，我致電給她，她說完後我一臉惘然，我？為什麼會想找我幫忙？我做得到嗎？

是的，我承認，我是很想把半隻腳踏回文學界；我亦承認，我說過我不想再寫作，因為我不想情緒抑鬱。

自資出版文化雜誌，幫忙做市場策劃及定位，我想，我沒有自打嘴巴吧？

6月4日

http://www.youtube.com/watch?v=2jehEzQuFTY

5月記事

又好一陣子沒有寫日記，沒心情沒精力寫只是藉口，只是越來越懶用文字表達自己，想起打日記就感到一堆厭煩...但事實上我是很喜歡文字記下的自己，有時看回以前的日記也感到奇妙。

5月中旬開始我就開始病發，但又有一連串的事件發生，就隨便做個撮要:

5月14日　開始感到喉嚨痛及發燒

5月15日　真正病發，告假半天

5月16日　病情好轉，公司happypama carnival 第一天

　　　　   經過一天，聲音報銷

5月17日　公司happypama carnival 第二天

　　　　   未見好轉，要同事代言下工作

5月18日　上班半天，下午再前往看醫生

5月19日　病情反覆，照樣上班

5月20日　公司５０周年報慶，扮好返，晚上出席星光熠熠酒會

5月21日至5月25 日　依然嚴重喉嚨痛及間中發燒

5月26日　上班前再次前往看醫生

5月28日至31日　全面休息，但未見好轉

雖然5月病住咁過，但因為好多工作又係好開心同值得紀念既活動，我都覺得過得好開心!

Happy PaMa 開心總動員嘉年華

明報50周年酒會

其實5月正正是一周年的日子，一年沒有見面了，真的很希望她會過得好活得好，不是不打算見，只是不曉得如何見，大家都太彆扭太倔強了，而且如果會影響她現在的快樂，我寧可讓她保有現在的快樂。