2008大事回顧

2008，一個我都唔知可以寫咩回顧既一年。
生命中暫時過得最孤清隱閉既一年。

最重要既一個人係我身邊出現左短短一年就要離開，我覺得分開只係另一種方式既相處。但一個人既生活，曾經令我覺得生活好無依據，我堅持自己生活，即管別人覺得可以不這樣，我都寧可用這種方式維持。

就因為知道靈魂沒了，所以於這一年第一次真真正正出走，留下家書，一個人到異地，逃離香港。經過這一次出走，我著手為將來永遠逃離而鋪路，第一樣就係語言，spanish，將會成為我第3種語言。

2008年有時令我覺得思想上很疲憊，不再作畫不再思考，未曾試過生活咁無焦點，幸好健康方面沒太多問題，不然我真係唔知點算。

工作上由一條TEAM跳到去另一條TEAM，讓我發現我係一個天生寫意命，去到邊靜到邊，但我想勞碌多於準時收工呀。

感情生活一蹋糊塗，2007的人，到2008年依然纏繞我，2008年的人卻消失得無影無踪，我都係好好照顧自己算啦。

2008，真係無咩回顧，平淡卻不是福的一年。