第一次去LADIES NIGHT同SUGAR

星期四晚，魚魚說會同比比去蘭桂芳ladies night，我聽到，即刻就話我又去!!

這是我第2次到蘭桂芳飲野，上次係第一次見eugene, 維珍同比比時既事，我都只是跟著她們去玩。
今次我都依然只是跟著走，咩都唔識，我們繞了蘭桂芳幾個圈，都決定唔到去邊間，結果都係去番比比常去既"芳"，仲要無ladies night，真係錯哂...我地打算坐一會喝一杯就去第二度，我們一直坐，我都感到好幾檯的男士都有望過黎，比比同魚魚真係勁!!最後想不到係一個鬼仔(好靚仔)走埋黎識我地，他坐在我旁邊在我耳邊講野，都真係幾驚；他是由英國倫敦來香港探朋友的，會在香港留10日，佢問我地香港有咩好既club可以去，我都真係唔識，次次都係跟她們去，最後他們(香港朋友+2個鬼仔)邀請我地一起去sugar，sugar我聽佢地講得多，好多人都會去既PARTY場，但我就未去過，比比同魚魚都覺得去下無所謂，唔駛錢就得啦，那裏都有ladies night，免費有一杯飲品，都幾好呀。

其實SUGAR裏面都係不外如是，好細，但好多人，人人都靠牆站，無人跳舞，幾個鬼仔就走了出去跳舞，其他人先跟著跳，我們幾個，當然就是站在一旁。咁大個女第一次去呢d地方，都幾新鮮呀，不過無興趣去第二次了。


那天晚上，我藉著醉意對某人說了一些任性的說話，打擾了，對不起‧‧‧