[考左兩科試啦~]
原來我都有好多日無寫過日記，但每次到來看自己的網頁，都發覺瀏覽人次增加了許多，一個沒有update的網頁都依然有人來，我都實在感動，遲點得閒d我會更新下個網頁，自己都可以有d新鮮感，今日我用了很多時間終於擺多左幾首歌上網，因為太耐無試過用個media既編輯器，唔記得左點先可以將幾mb既歌壓縮細d，搞到一頭煙。
　
今日終於考左第二科試，完成左考試既一半，基本上好多都唔識，不過算啦，反正都過左去啦。考完試，我跟住Helen同pang做電燈膽，去左食火鍋，好飽，雖然考試唔識，但係又得食又有得睇電視，好開心。
　
尋日睇《衝上雲霄》睇到我喊哂，唔明點解一定要在什麼都未正式交待之前就要死，這一套是，今天睇的《妙手仁心II》又是，為什麼不讓他們說多一句，見一面也不行，難道現實真的就是這樣。昨天見到BELLE的反應，才突然真的驚覺到人死左真係無得返轉頭，唔同玩遊戲，死了的人也不會走出來對自己說只是玩一玩，現在回來了這樣的說話。雖然都曾經歷過死別，但我依然不敢想像有人會在自己身邊突然消失，千萬不要，對著一個虛構的沒有關係的Vincent都喊哂，我怕朋友不見了我會不受控制。
　
還有，原來承諾對死了的人是起不了作用的。