今天終於執野準備quit宿啦，住了一年，原來我都有好多野擺左係度，總共有2大袋紅白藍、兩箱電視同電腦、再加3小袋野，執左好耐。要離開啦，有d唔捨得，因為呢度太舒適啦。
我發現自己有三多，衫多、公仔多、垃圾多，有好多野唔捨得丟，但又無咩用，搞到成間房都係野，搬到返屋企都唔知擺係邊，我相信若果將所有公仔擺哂係張床度，我就要瞓地下啦。
近期我好忙，因為我成為一個camp既oc，我地要排time-table，要諗活動，要book camp，仲要寫定備忘俾參加者，都幾多野要prepare，而且要contact佢地，好忙，但真的好開心啦，十幾人一起去玩，快點到那天就好啦。

今天發生左好多唔開心的事，令到自己都好唔開心。
自己有時會唔明，點解人與人之間總是唔可以坦坦白白，有d咩可以面對面講清楚，我們要知道若果唔坦白會積存好多誤會，誤會只會加深人之間的隔膜，到頭來可能會從此不相往來，咁到時就會後悔了，對我們坦白d呀，我地唔會怪你，亦都會幫你想解決辦法，有d咩原因對我們說呀。
很想寫關於一個家庭裏的兄弟姊妹的互相憎恨的故事，但只怕會力不從心，憎恨的感覺都幾難受，縱使我已憎恨了不少人，算算都有3個了，只怕若一個人只活在憎恨中會使得人不懂得珍惜，很怕。

好耐無寫過網頁，始終都做唔到每日執我的網頁，無辦法，有太多事纏繞在自己身邊。
有好多時做人都唔能夠如意，總以為自己做事做得對，總以為大家都知道這是為工作，總以為大家思想都成熟，只可惜這些其實都不是。
在考完試前為自己作了很多打算，到現在考完試差不多已一個星期，甚麼都沒有做過，只是不斷的搵工，已寄了十幾封信，但只有1份有reply，仲要求我打中文字40wpm先好去in....都唔知in唔in好。
再過一天就不用再補習，對著這個小女孩都有大半年，都有d唔捨得，所以買了一份禮物給她，唔知佢鍾唔鍾意呢。

我越來越覺我自己生活得很悠閒，以前在偷閒之後都會有一絲內疚，但是自從康叫我不要時常都迫自己，要「偷得浮生"平"日閒」之後，我就覺得偷閒是理所當然的，只是分別在一日還是半日，其實也沒有太大差別。
今天終於考了第一份試，我知道一定唔會好，不過都沒所謂，我擔心的是我離我的理想越來越遠了，快點找到工作，就可解決問題了。
今天望自己，發覺自己唔同左，可能是因為已經很久沒有這麼早起了，份外精神。有些事情不可能不在乎，但是說一句在乎也改不了結果，自己明白就ok了。